У аўторак, 11 чэрвеня, у Варшаве адбудзецца вечар салідарнасці з Паўлам Севярынцам.
Дата: 11 чэрвеня. Час: 18.00 (час мясцовы). Месца: Witryna Domu Wschodniego, плошча Канстытуцыі, 6 (правае крыло), Варшава.
Спадара Паўла арыштавалі 7 чэрвеня 2020.
Праз год, 25 траўня, суддзя Магілёўскага абласнога суду Ірына Ланчава асудзіла Паўла Севярынца да 7 гадоў калоніі ўзмоцненага рэжыму.
На тым жа судзілішчы, якое праходзіла ў закрытым рэжыме, актывісты Яўген Афнагель і Андрэй Войніч атрымалі 7 гадоў пазбаўлення волі, Павел Юхневіч, Дзмітрый Казлоў і Максім Вінярскі — да 5 гадоў, Ірына Шчасная — 4 гадоў калоніі.
У вечарыне ўдзельнічаюць сябры Паўла і паплечнікі па БХД Яўген Дудкін і Таццяна Малашчанка, Вячаслаў Сіўчык з руху салідарнасці «Разам», журналісткі Любоў Лунёва і Галіна Абакунчык.
Будуць прачытаныя лісты з-за кратаў Міколы Статкевіча, Максіма Вінярскага, вершы Андрэя Войніча.
Падчас імпрэзы можна будзе набыць кнігі і карціны спадара Паўла, скласці данаты на іх перавыданне.
Уваход вольны.
Арганізатары
