Віншуем Вас з самым светлым і цёплым святам – Раством Хрыстовым!
Няхай гэты дзень будзе для ўсіх нас напамінам пра тое, што нават у самыя цёмныя часы з’яўляецца святло, якое паказвае нам шлях да надзеі, любові і дабра. Як больш за дзве тысячы гадоў таму нарадзіўся Хрыстос, каб прынесці людзям праўду і волю, так і мы сёння трымаемся разам дзеля гэтых вечных каштоўнасцяў.
Мы верым, што і Беларусь зноў уздыхне на поўныя грудзі, адчуе свабоду і радасць. Бо з воляй – нават зіма цяплейшая, а з праўдай і зоркі святлейшыя.
Дзякуй вам за Вашу працу, Вашу нязломнасць і імкненне несці святло праўды ў свет. Разам мы праходзім складаныя дарогі, але верым: наперадзе нас чакае шчаслівы фінал. Бо, як кажуць, «дзе два беларусы – там тры ідэі, а дзе тры ідэі – там і надзея!»
Святкуйце шчыра, любіце адзін аднаго і ніколі не забывайце, што самае галоўнае святло – гэта тое, што ў нашых сэрцах. Таксама абавязкова пакаштуйце калядных дранікаў з прысмакамі і запійце іх добрым узварам – гэта ўжо традыцыя!
З малітвамі і падзякай,
святар Георгій Рой
святар Аляксандр Кухта
