Вольны хор на «Ночы расстраляных паэтаў» у Беластоку

29-га кастрычніка ў памяць Ночы расстраляных паэтаў 1937 года беларускі Вольны Хор з Варшавы выступіць з адмысловай праграмай твораў рэпрэсаваных беларускіх аўтараў у Беластоку.

Канцэрт адбудзецца ў значным месцы — Музеі памяці Сібіры, пра што і распавяла арганізатарка, намесніца дырэктара Цэнтра Ілона Карпюк:

– Месца памяці і ўспамінаў цяжкіх, складаных часоў у гісторыі жыхароў гэтай зямлі ў Музеі памяці Сібіры. У тым кантэксце лёсы нашых інтэлектуалаў-паэтаў беларускіх, якія былі расстраляныя ў 1937 годзе, упісваюцца ў гэтае месца памяці вельмі добра. І кіраўніца “Вольнага хору” паведаміла, што ў час пабыўкі ў “скарынаўцы” яна знайшла рукапіс верша “Наша песня”, напісанага Міхасём Кавалём на гэты твор. Яны праспяваюць песню ўпершыню ў рамках гэтага канцэрта. Так што будзе нават невялікая прэм’ера. Думаю, што варта далучыцца.

Падчас канцэрта будуць выкананыя творы на вершы забітых паэтаў 29 кастрычніка 1937 года: Алеся Дудара, Цішкі Гартнага, Міхася Чарота. Упершыню падчас канцэрта будзе выкананы першы неафіцыйны гімн Беларусі пачатку ХХ ст.: “Беларуская марсэльеза” (“Ад веку мы спалі…”). Пачатак а 18-00. Уваход вольны.

Адрас: Музей Памяці Сібіры, ul. Węglowa 1, Białystok

Цалкам матэрыял слухайце ў далучаным файле:

Беларускае Радыё Рацыя

Фота Цэнтра