У беластоцкай галерэі «Маршанд» існуе традыцыя летняй выставы, якая адкрываецца на пачатку ліпеня і працуе да канца жніўня. Сёлета традыцыю не парушылі – і выставу з назвай «Лета» адкрылі пры поўным зборы сяброў галерэі.
Кажа кіраўнік галерэі Януш Жабюк:
– Гэта летняя выстава сяброў клуба “Маршанда”. Кожны год мы вакацыі пачынаем з такой унутранай клубнай выставы. Мастакі прадстаўляюць свае апошнія дасягненні, як яны ўвайшлі ў новы год, што новага ў гэтым годзе яны могуць паказаць. І гэтая выстава будзе працаваць цэлыя вакацыі – два месяцы.
Мастацкая галерэя «Маршанд» імкнецца аб’ядноўваць мастакоў Падляшша. Яна не толькі арганізоўвае выставы, але таксама праводзіць пленэры і нават выдае свой часопіс, яго наступны нумар выйдзе сёлета ўвосень.
Цалкам матэрыял:
Беларускае Радыё Рацыя
