У нядзелю, 28 студзеня, Познаньскі спеўны сход бярэ ўдзел у дабрачынным канцэрце WOŚP.
Дата: 28 студзеня. Час: 17.00 (час мясцовы). Месца: Barak Kultury, al. Marcinkowskiego 21, Познань.
WOŚP (Wielka Orkiestra Świątecznej Pomocy — Вялікі аркестр святочнай дапамогі) — гэта дабрачынная грамадская арганізацыя, якая штогод ладзіць акцыю, дзякуючы чаму лякарні Польшчы атрымліваюць медыцынскае абсталяванне для выяўлення цяжкіх захворванняў на ранніх стадыях.
«Лёгкія пасля пандэміі» — дэвіз 32-й акцыі гэтага году. Збіраюць сродкі для набыцця абсталявання ў пульманалагічныя аддзяленні для дзяцей і дарослых.
Спеўны сход выступіць з канцэртам у прамежку з 17:00 да 18:30.
Запрашаюць заспяваць разам любімыя песні і пачуць новы твор — «Фінскую польку» па-беларуску.
Дарэчы, будуць і іншыя цікавыя выканаўцы, завітвайце!
Уваход — ахвяраванне.
