16-га чэрвеня, у 17:30 у Беластоцкім Тэатры Лялек пройдзе падвядзенне вынікаў творчай дзейнасці дзяцей і моладзі, што займаюцца ў гуртках Аб’яднання “АБ-БА” — арганізацыі, якая падтрымлівае вывучэнне беларускай мовы ў Падляшшы.
Кажа сябра аб’яднання Ілона Карпюк:
– У гэтым годзе дзеткі працавалі і ў танцавальным калектыве «Падляшскі вянок». Працавалі ў тэатральнай групе, якая ў гэтым годзе ўпершыню працавала пад апекай новай настаўніцы беларускай мовы Ганны Плашчынскай. Але і надалей з акторам Бэрнардам Баням. Вельмі будзе цікава паслухаць нашых дзяцей, якія выступаюць на конкурсах беларускай песні. Вечар эмацыянальны і для бацькоў, і для дзяцей.
А ўжо 22 чэрвеня адбудзецца другое падвядзенне — на гэты раз вынікаў этнаграфічных летнікаў. 12-й гадзіне — сустрэча малодшай групы ў Ляўкове Новым (Agroturystyka Bora Zdrój, Lewkowo Nowe 93). А 14-й гадзіне — сустрэча старэйшай групы ў Нараўцы (станцыя каякоў, Hajnowska 33). Аб’яднанне “АБ-БА” запрашае бацькоў, сяброў, а таксама ўсіх, хто цікавіцца развіццём беларускамоўнай культуры ў рэгіёне.
Цалкам матэрыял:
Беларускае Радыё Рацыя
Фота “АБ-БА”.
