Пасля таго як у пачатку гэтага тыдня ВСУ пачалі ўварванне на расейскую тэрыторыю, Масква прыкладае намаганні па эвакуацыі сваіх грамадзян і гуманітарнай дапамозе.
Паводле апошніх звестак, з Курскай вобласці ўжо эвакуяваны 76 тысяч чалавек, паведамляе Еuronews са спасылкай на расейскія СМІ.
У пятніцу ўлады РФ пачалі сцягваць дадатковыя сілы да Курска. У гэты ж дзень расейскія ўлады ўвялі т. зв. «антытэрарыстычную аперацыю» ў Курскай, Белгарадскай і Бранскай абласцях Расеі, якія мяжуюць з Украінай.
Гэта стала найбуйнейшым нападам Кіева на расейскую тэрыторыю з таго часу, як Крэмль пачаў поўнамаштабнае ўварванне ў суседнюю краіну ў лютым 2022 года.
