З падвышэннем тэмпературы на вуліцы стала цяплей і ў памяшканнях, дзе няма падачы цяпла. Але з надыходам вясны цяжкасці, звязаныя з вайной, нікуды не зніклі.
У цэлым людзі дастасавалі сваё жыццё да графікаў адключэнняў, – адзначыў беларускі журналіст Алесь Мінаў, які жыве ва ўкраінскай сталіцы ў ваенны час:
– Агулам сапраўды, як стала цяплей на вуліцы, у кватэрах таксама стала цяплей, таму цяпер больш бадзёры настрой. Наконт звычак, яна і раней была, але за апошнія месяцы значна больш актуальна стала ствараць запас вады, бо часам яна зусім знікае.
Журналіст Алесь Мінаў быў засуджаны ў Беларусі на тры гады «хіміі». У снежні 2021 году ён выехаў ва Украіну, дзе застаўся і пасля пачатку вайны.
Бліжэйшымі днямі ў Кіеве днём трымаецца плюсавая тэмпература, але ўначы яшчэ лёгкія маразы. З наступнага тыдня стане прасцей – бо днём будзе да +15 градусаў, уначы таксама прагназуецца плюсавая тэмпература.
Цалкам матэрыял:
Беларускае Радыё Рацыя
