Асацыяцыя мастацкіх ініцыятыў Supernova запрашае на 6-ы фестываль
«Жанчыны Усходу – She is the Light», які адбудзецца ў Беластоку 29–31 жніўня 2025 года.
У парку Палаца Браніцкіх паўстане адметная мастацкая прастора, у якой больш за 100 творцаў прадставяць музыку, жывапіс, скульптуру, фатаграфію, танец, тэатр, моду, перформанс, ткацтва і светлавыя інсталяцыі.
Фестываль — гэта тры дні інтэнсіўнай творчасці, падчас якіх публіка зможа ўдзельнічаць у канцэртах, майстар-класах, вернісажах і дэбатах. Ідэя мерапрыемства — паказаць разнастайнасць і сілу жаночай творчасці, а таксама стварыць прастору, дзе традыцыя сустракаецца з сучаснасцю, а мастацтва становіцца люстэркам і крыніцай натхнення.
У праграме, між іншым: парады і канцэрты мясцовых жаночых аркестраў, вернісажы прац падляшскіх мастачак, дэбаты пра ролю жанчын у культуры рэгіёну і дынамічныя светлавыя інсталяцыі, якія пасля змяркання нададуць парку Палаца Браніцкіх чароўнае вымярэнне. Фестываль таксама адкрывае магчымасць удзелу ў мастацкіх майстар-класах і паказах светлавой моды, аб’ядноўваючы мясцовае мастацкае асяроддзе і жыхароў горада.
Мерапрыемства суфінансуецца з Бюджэту горада Беласток і Падляшскага ваяводства.
Мастацкая дырэктарка фестывалю — Йоанна Зубрыцка / Miss God.
Уваход на ўсе мерапрыемствы вольны.
Кантакт: [email protected], тэл. 660 437 731
Арганізатары
