Больш за 150 беларусак цяпер аб’ядноўвае Жаночы клуб у Лодзі. Ён быў створаны год таму для прадстаўнікоў беларускай дыяспары. Асноўная мэта – падтрымка жанчын у эміграцыі, – распавяла лідарка клубу Надзея Лучанок:
– Гэты клуб быў створаны ў лютым мінулага года, то бок ужо амаль год, нават больш за год мы праводзім гэтыя сустрэчы. Асноўная мэта клубу – гэта дапамога жанчынам-мігранткам, якія пацярпелі ад дамашняга гвалту. На гэтыя тэмы мала хто размаўляе, людзі не ведаюць працэдуру, куды звяртацца, з кім паразмаўляць.
Надзея Лучанок дадала, што Жаночыя клубы ў Польшчы арганізуюцца пры падтрымцы фонду HumanDoc.
Беларускае Радыё Рацыя
