30-дзённае перамір’е расейскі бок запрапанаваў толькі для таго, каб назапасіць нейкія сілы і адразу пасля ўдарыць па людзях і інфраструктуры яшчэ з большай моцай. У гэтым перакананая беларуска Яўгенія Фядорэц, якая падчас ваенных дзеянняў жыве ва Украіне.
Яна адзначыла, што завяршэнне вайны застаецца адной з самых актуальных тэмаў:
-Мы ўжо да ўсяго прызвычаіліся. Зараз актыўна абмяркоўваецца тэма перамір’я. Але асабліва ў гэта ніхто не верыць. Але я думаю, што ўсё ж такі расейскі бок мусіў адразу прапанаваць 30-дзённае перамір’е, а не толькі з-за таго, што ў іх свята і ім хочацца яго адсвяткаваць. Зараз прапанавалі на 30 дзён. Здаецца, павінны спыніць усе атакі. Але я не веру, што Расея хоча міру.
Паўнамаштабная вайна ва Украіне ідзе ўжо 1175 дзён. За апошнія суткі, як паведамляе Генеральны штаб Украіны, адбылося звыш 110 баёў па лініі фронту, палова – на Пакроўскім накірунку.
Цалкам гутарка:
Беларускае Радыё Рацыя.
