Фонд TUTAKA 31 студзеня завяршае прыём заявак на ІІІ Міжнародны Дэкламатарскі конкурс для дзяцей, моладзі і дарослых.
Патрабаванні для ўдзелу наступныя: трэба запісаць відэа сваёй дэкламацыі верша або ўрыўка прозы па-беларуску і даслаць на пошту [email protected] да 31 студзеня 2024 года.
Удзельнікі конкурсу дзеляцца на чатыры ўзроставыя катэгорыі. Удзельнічаць у конкурсе могуць выключна непрафесійныя дэкламатары.
Рэпертуар складаецца з аднаго верша/сэнсоўнай часткі паэмы ці празаічнага твора/часткі твора, не даўжэй за 3,5 хвіліны, абавязкова на беларускай мове (літаратурны і дыялектныя варыянты).
Фінал конкурсу пройдзе ў Тэатры лялек у Беластоку 20 лютага. Удзельнікі, якія пройдуць у фінал, будуць запрошаныя арганізатарам конкурсу ў Беласток, каб вызначыць пераможцаў.
Міжнародны дзень роднай мовы штогод адзначаецца 21 лютага. Яго мэта – захаванне моўнай і культурнай разнастайнасці ў свеце, падтрыманне нацыянальных моў і культур і забеспячэнне права кожнага грамадзяніна карыстацца роднай мовай.
Беларускае Радыё Рацыя
