Прэзідэнт Украіны Уладзімір Зяленскі надаў званне Героя Украіны былому галоўнакамандуючаму ВСУ Валерыю Залужнаму. Адпаведны ўказ апублікаваны на сайце прэзідэнта Украіны.
Фота: novosti-n.org
Указ быў падпісаны 8 лютага, у той жа дзень, калі Зяленскі вызваліў Залужнага ад пасады, прызначыўшы замест яго Аляксандра Сырскага.
Генерал Залужны адзначаны “за выдатныя асабістыя заслугі ў абароне дзяржаўнага суверэнітэту і тэрытарыяльнай цэласнасці Украіны, самаадданае служэнне ўкраінскаму народу”.
Таксама апублікаваны ўказы аб прысваенні звання Героя Украіны начальніку ГУР Кірылу Буданову і падпалкоўніку Вячаславу Агееву.
Кіраўнік Галоўнага ўпраўлення разведкі Мінабароны Украіны генерал-лейтэнант Буданаў адзначаны “за асабістую мужнасць і гераізм, выяўленыя ў абароне дзяржаўнага суверэнітэту і тэрытарыяльнай цэласнасці Украіны, самаадданае служэнне ўкраінскаму народу”.
