У сталіцы Літоўскай Рэспублікі Вільні больш за год працуе крама сувеніраў Kropka, заснаваная сям’ёй былога палітвязня Змітра Фурманава.
З якімі праблемамі сутыкаецца беларускі бізнес за мяжой, распавядае Зміцер Фурманаў:
-Чэрвень быў больш-менш добры, пайшлі ў нас заробкі, калі параўноўваць з мінулым годам. Ліпень, на жаль, надвор’е нас не радуе. Але яшчэ паўмесяца ў нас ёсць і я спадзяюся, сітуацыя палепшыцца. А што тычыцца беларускіх вышыванак і іншых вырабаў з беларускай сімволікай, то іх бяруць, як і раней.
Па словах Змітра Фурманава, пакуль не бачна, што з Літвы ў Польшу масава з’язджаюць беларусы:
-Мы моцна не заўважылі, таму што звычайна з’язджалі працоўныя мігранты. Асноўныя пакупнікі ў нас усё ж такі беларускія актывісты. На дадзены момант я не бачу сур’ёзных праблемаў для нашага бізнесу ў гэтым, але ж калі гэтая тэндэнцыя будзе працягвацца, то магчыма і актывістаў гэта таксама закране.
У Вільні да апошняга часу існавала некалькі крамаў з беларускай сімволікай, аднак з-за фінансавых праблем крамы прыйшлося зачыніць, і цяпер у Вільні засталася толькі KROPKA.
Цалкам гутарка:
Беларускае Радыё Рацыя
