Кароткатэрміновае прыпыненне вайны – гэта адзінае, чаго зараз можна дасягнуць у часе перамоваў. І тое перамоўны працэс ідзе толькі пад уплывам амерыканскага боку, – перакананы ўкраінскі журналіст інтэрнэт-выдання “Главком” Міхайла Глухоўскі.
– Гэта вымушаны крок ад Амерыкі, але, калі забягаць трохі наперад, то максімум, чаго можна дасягнуць, – гэта кароткатэрміновае прыпыненне вайны, месяцы на 3-4, але ўсё роўна неўзабаве мір будзе парушаны. І ніякіх падставаў для доўгатрывалага міру я пакуль не бачу. Таму тут менш аптымізму, больш песімізму.
18 сакавіка Дональд Трамп абяцаў паразмаўляць на тэму завершання вайны з Уладзімірам Пуціным. Вядома таксама, што афіцыйная амерыканская дэлегацыя ўжо мела сустрэчу з расейскай дэлегацыяй у Маскве.
Цалкам матэрыял:
Беларускае Радыё Рацыя
