З 20 красавіка ў Падляшскім ваяводстве афіцыйна стартуе праграма “Падляшскі турыстычны бон”, мэта якой – падтрымка турыстычнай галіны рэгіёну, якая пацярпела з-за нестабільнай сітуацыі на мяжы з Беларуссю. 567 аб’ектаў размяшчэння былі адабраны для ўдзелу ў праграме.
Кажа Маршалак Падляшскага ваяводства Лукаш Пракорым:
-Гэта добрая ідэя – стварыць у Падляшскім ваяводстве першы рэгіянальны турыстычны бон ў Польшчы. Гэтым бонам паказваем, што Падляшскае ваяводства – прыгожы рэгіён. І перадусім ён з’яўляецца бяспечным рэгіёнам.
Праграма “Падляшскі турыстычны бон” прадугледжвае субсідаванне пражывання турыстаў з іншых рэгіёнаў Польшчы, якія прыедуць у Падляшша хаця б на дзве ночы. Боны на суму 200, 300 ці 400 злотых у залежнасці ад катэгорыі размяшчэння (кемпінг, гасцявы дом, гатэль і інш.) можна будзе выкарыстоўваць з Вялікадня.
Аформіць бон можна самастойна на сайце https://podlaskibonturystyczny.pl, указаўшы персанальныя дадзеныя і атрымаўшы ўнікальны код на тэлефон.
Цалкам матэрыял:
Беларускае Радыё Рацыя
