Як сведчыць інтэрактыўная мапа Мінлясгаса рэспублікі, абмежаванні на наведванне лясоў уведзены ў больш як 70 раёнах Беларусі.
Пры гэтым абмежаванні ўведзены на ўсёй тэрыторыі Берасцейскай і Гомельскай (за выключэннем Жыткавіцкага раёна) абласцей. Менш за ўсё абмежавальныя меры закранулі Гарадзенскую вобласць – 7 раёнаў. Гэта Бераставіцкі, Ваўкавыскі, Зэльвенскі, Карэліцкі, Наваградскі, Свіслацкі і Слонімскі. І Менскую вобласць – 8 раёнаў. Гэта Клецкі, Капыльскі, Любанскі, Нясвіжскі, Пухавіцкі, Слуцкі, Салігорскі і Старадарожскі.
Поўная забарона на наведванне лясоў не дзейнічае ні ў адным раёне краіны.
Варта адзначыць, што інтэрактыўная карта абнаўляецца згодна ў анлайн-рэжыме. Таму перад наведваннем лясных масіваў абавязкова трэба азнаёміцца з актуальнай інфармацыяй.
Беларускае Радыё Рацыя
