У Арменіі Раство Армянская Апостальская царква адзначыць 6-га студзеня.
Што значыць для армян гэтае свята распавядае беларускі блогер Зміцер Грынкевіч, які жыве ў гэтай каўказскай краіне:
– Раство для Арменіі не галоўнае свята. Яны ўжо нават разбіраюць усе ўпрыгожванні і дэкарацыі. Асноўнае свята для Арменіі – усё ж Новы год. Яны перад Новым годам наводзілі шык, і на Новы год багата чаго рабілі. Нават канцэрт быў навагодні на цэнтральнай плошчы.
Па словах Зміцера, ён сустракае Раство з фінансавымі праблемамі:
– Гэта часткова звязана і з тым, што на святы ў Арменіі абсалютна ніхто не працуе. Мне не пералічылі заробленыя грошы, хоць абяцалі зрабіць гэта яшчэ 30-га. Акрамя таго адбыўся вялікі збой у беларускіх банках, і грошы, якія мне, як падарунак, пералічылі мае родныя з Беларусі, таксама завіслі. І вось для мяне святы адбываюцца з 10 цэнтамі ў кішэні.
Па словах Зміцера, з такімі ж фінансавымі пытаннямі сутыкнуліся таксама і беларускія пенсіянеры, якія не могуць атрымаць сваю пенсію, і атрымаюць яе магчыма толькі пасля 12 студзеня.
Цалкам матэрыял:
Беларускае Радыё Рацыя
Фота Зміцера Грынкевіча.
