Фота: mfa.gov.by
Беларусь і Лаос адмяняюць візы для ўладальнікаў нацыянальных пашпартоў.
Адпаведнае міжурадавае пагадненне было падпісанае падчас візіту міністра замежных спраў Беларусі Максіма Рыжанкова ў Лаос, паведамілі ў Міністэрстве замежных справаў Беларусі.
17 ліпеня, у першы дзень візіту, Максім Рыжанкоў правёў перамовы з міністрам замежных спраў Лаосу. Цэнтральнай падзеяй сустрэчы стала падпісанне міжурадавага пагаднення аб адмене віз для ўладальнікаў нацыянальных пашпартоў. Калі і на якіх умовах запрацуе бязвізавы рэжым, не паведамляецца.
