Аляксандр Лукашэнка адобрыў праект пагаднення з Саудаўскай Аравіяй аб паветраных зносінах, піша sputnik.by.
Чакаецца, што Менск і Эр-Рыяд у бліжэйшы час вызначаць умовы выканання рэйсаў. Размова ідзе як пра грузавыя і паштовыя перавозкі, так і пасажырскія.
Весці далейшыя перамовы будзе Мінтранс. Авіяцыйныя ўлады Беларусі і Саудаўскай Аравіі правялі кансультацыі наконт магчымага запуску паветраных зносін паміж краінамі ў траўні бягучага года.
Раней Беларусь ратыфікавала пагадненне аб паветраных зносінах з Аманам. Таксама ўхваленыя праекты пагадненняў аб паветраных зносінах з Венесуэлай і Сейшэльскімі астравамі.
