У Міністэрстве ўнутраных справаў Грузіі паведамілі, што ў 2024 годзе сярод тых, хто ўязджаў і выязджаў, сама больш было грамадзян Расеі.
Згодна з лічбамі ведамства, паток расейцаў летась стаў рэкордным — колькасць уездаў грамадзян Расеі склала амаль 2 мільёны і амаль столькі выездаў.
Грамадзяне Беларусі ўязджалі на тэрыторыю Грузіі 180 284 разы і выязджалі 180 231 раз — гэта 9-е месца сярод усіх іншаземцаў, якія перасякалі грузінскую мяжу.
Усяго ў 2024 годзе іншаземцы ўязджалі ў Грузію 7 423 435 разоў, з іх 16% з мэтай транзіту, а амаль 52% іншаземных грамадзян заставаліся ў краіне на 24 гадзіны і больш.
На другім пасля расейцаў месцы грамадзяне Турэччыны, на трэцім — Арменіі, на чацвёртым і пятым — адпаведна грамадзяне краін Еўразвязу і Ізраілю.
