Авіякампанія “Белавія” абвясціла пра адмену яшчэ двух рэйсаў у Тэль-Авіў.
Як паведамілі ў авіякампаніі, у Ізраілі працягнулі закрыццё паветранай прасторы для замежных перавозчыкаў да 16 сакавіка.
У сувязі з гэтым адмяняюцца рэйсы «Белавія» ў Тэль-Авіў, запланаваныя на 12 і 15 сакавіка.
Пасажыры скасаваных рэйсаў могуць вярнуць грошы за білеты па месцы іх набыцця, удакладнілі ў авіякампаніі.
Раней «Белавія» таксама паведаміла пра адмену палётаў у Дубай да 28 сакавіка.
