На межах Беларусі і краінаў Еўразвязу захоўваюцца шматгадзінныя чэргі. Аднак кіроўцы і пасажыры заўважаюць, што сітуацыя заўважна палепшылася ў параўнанні з тым, што адбывалася тыдзень таму.
На праходжанне мяжы па дарозе з Менска да Вільні аўтобусам сёння, 8 верасня, спатрэбіцца 12 гадзін. Цікава, што аўтамабілі ў дадзены момант праходзяць кантроль на мяжы нашмат хутчэй. Аўтобусам з Менска да Варшавы сёння можна дабрацца недзе за суткі. З іх 16 гадзін давядзецца правесці на мяжы. З аўтамабілямі сітуацыя тая ж.
На ўезд у Беларусь з Літвы і з Польшчы чэргаў практычна няма, кантроль на мяжы займае некалькі гадзін.
Беларускае Радыё Рацыя
