Чэргі на выезд з Беларусі ў Еўразвяз не змяншаюцца: на 10-ю гадзіну раніцы 10 красавіка ў чэргах на межах з краінамі ЕЗ агулам стаялі 3022 транспартныя сродкі, паведамляе Памежны камітэт Беларусі.
На 10:00 уезду ў Еўразвяз чакалі 2440 грузавікоў, больш за ўсё — на беларуска-польскай мяжы:
- 1100 фураў — Кукурыкі — Казловічы (Польшча),
- 510 фураў — перад пунктам пропуску Меднікі — Каменны Лог (Літва),
- 420 фураў — Салечнікі — Беняконі (Літва),
- 410 фураў — Грыгораўшчына — Патэрніекі (Латвія).
Чэргі легкавікоў захоўваюцца толькі на ўезд у Польшчу. На беларускай тэрыторыі перад пунктам пропуску Берасце — Тарэспаль на 10-ю раніцы стаялі 570 легкавікоў і 12 аўтобусаў. На ўезд у Літву і Латвію чэргаў на гэты час не зафіксавалі.
Як вынікае з статыстыкі папярэдніх дзён, чэргі працягваюць расці.
