Дрэздэн – сталіца зямлі Саксоніі ў Нямеччыне. Ён месціцца на рацэ Эльба непадалёк ад мяжы з Чэхіяй.
Гэты прыгожы горад з насельніцтвам больш за 570 000 чалавек называюць яшчэ «Фларэнцыя на Эльбе». Турыстаў прыцягвае помнікамі архітэктуры ў стылі барока, цудоўнымі зборамі жывапісу, музеем фарфору ды іншымі творамі мастацтва.
Размешчаная ў будынку Цвінгера калекцыя твораў мастацтваў з’яўляецца адной з самых вядомых у свеце. Яна ўключае ў сябе працы XIV–XVIII стагоддзяў, сярод экспанатаў можна ўбачыць карціны Рэмбранта, Тыцыяна, Дзюрэра, Рафаэля, менавіта ў Дрэздэне захоўваецца знакамітая «Сікстынская Мадонна».
Стары горад Дрэздэна падчас Другой сусветнай вайны быў цалкам разбураны, з цягам часу аднавілі толькі яго частку.
На думку шэрагу гісторыкаў, бамбардзіроўкі Дрэздэна і іншых гарадоў Нямеччыны, праводзіліся выключна для палітычный мэты, каб прадэманстраваць ваенную моц саветам.
Налёты Каралеўскіх ВПС і ваенна-паветраных сіл ЗША пад кодавай назвай «Удар грому» на Дрэздэн 13-15 лютага 1945 гады лічацца аднымі з самых разбуральных у гісторыі Другой сусветнай вайны.
Нягледзячы на гэта, Дрэздэн паўстаў з руін і ўсё ж захаваў частку сваёй гісторыі. Цяпер у горадзе і ваколіцах можна наведаць шмат палацаў розных часоў, храмаў ХVII-ХХ стагоддзяў, будынак оперы Земпера, халерны фантан, скульптуру “Залаты вершнік”, мост “Блакітны цуд” ды яшчэ шмат іншых славутасцяў. А аматары аўтамабіляў “Фольксваген” могуць нават схадзіць на экскурсію на завод і паназіраць за вырабам машын, а таксама ў будынку заводу наведаць рэстаран і з’есці фірмовы дэсерт ад VW.
Дрэздэн лічыцца адным з найпрыгажэйшых гарадоў Нямеччыны.
Беларускае Радыё Рацыя
