Сёння чарговыя ўгодкі з дня нараджэння нацыянальнага героя Кастуся Каліноўскага. Прыгадваем дзе за межамі Беларусі можна ўшанаваць гэтага вялікага змагара за вольнасць нашай краіны.
2 кастрычніка 2015 году ў Мастаўлянах (Беласточчына), у мясціне, дзе нарадзіўся Каліноўскі, быў адкрыты помнік Кастусю Каліноўскаму (помнік усталяваны па ініцыятыве і высілкамі найперш Януша Талуця).
Помнік у Мастаўлянах, фота з архіву Беларускага Радыё Рацыя
У Беластоку ёсць вуліца названая ў гонар Кастуся Каліноўскага
Вуліца Каліноўскага ў Беластоку, фота bialystok.wyborcza.pl
З Вільняй звязаны апошні перыяд жыцця Кастуся Каліноўскага. Тут ёсць некалькі памятных мясцінаў.
Памятныя крыж і знак на Лукішскім пляцы, дзе Каліноўскага пакаралі смерцю, фота Ладзіка Майніча
Шыльда на віленскай вуліцы Святога Ігната (Sv.Ignoto g 11), усталяваная Таварыствам Беларускай Культуры ў 1993 годзе, фота Ладзіка Майніча
22 лістапада 2019 года ў Вільні з удзелам прэзідэнтаў Літвы і Польшчы, урадавай дэлегацыі Беларусі, тысяч прыехаўшых беларусаў прайшло ўрачыстае перапахаванне парэшткаў паўстанцаў 1863 года. Перапахаваны ў капліцы на могілках Росы 20 чалавек, сярод якіх і Кастусь Каліноўскі.
Перад капліцай у час перапахавання, фота з архіву Беларускага Радыё Рацыя
Месца перапахавання Каліноўскага ў капліцы на Росах.
Прыгожы помнік Кастусю Каліноўскаму ёсць ў Салечніках (цяперашні Шальчынінкай).
Помнік у Салечніках аўтарства Язэпа Янушкевіча, фота Ладзіка Майніча
Беларускае Радыё Рацыя
