З-за паводкі на польска-чэшскай мяжы на нявызначаны час закрылі два пункты пропуску, паколькі яны не могуць працаваць.
Як паведаміла RMF24, закрылі пункты пропуску ў Галковіцы паблізу горада Годув, паколькі з чэшскага боку мяжы па дарозе да яго праехаць немагчыма.
“З-за павышэння ўзроўню вады ў рацэ П’ятроўка і яе выхаду з берагоў з чэшскага боку КПП у Галковіцы закрыты да наступных паведамленняў”, – заявіла мэрыя Годува. Такая ж сітуацыя склалася з КПП у вёсцы Марклёвіцэ-Гурнэ.
Паводка ў польскім горадзе Замосць.
У найбліжэйшыя дні прагназуецца працяг дажджоў, з-за чаго ўлады Чэхіі, Польшчы, Славакіі, Венгрыі, паўднёвай Германіі і часткі Аўстрыі рыхтуюцца да надзвычайных сітуацый.
У Румыніі ў выніку паводак загінулі 4 чалавекі. Ва ўпраўленні па надзвычайных сітуацыях краіны паведамілі, што ў краіне ад паводак пацярпелі 19 населеных пунктаў.
