Зноў закрытыя ўсе пункты пропуску на фінска-расейскай мяжы. Гэтым разам на тры месяцы.
Адмяняецца рашэнне пра адкрыццё пераходаў на Каляды ды Новы год у сувязі з новай хваляй нелегальных мігрантаў, распавяла беларуска Аксана Кірыленка, якая жыве ў Фінляндыі:
– У тэставым рэжыме адкрывалі ўсходнюю мяжу 14-га снежня. Планавалася, што межы будуць адкрытыя месяц. Але ўжо на наступны дзень 15-га снежня, а 20:00 гадзіне, мяжу зноў закрылі. Бо адразу пайшла плынь мігрантаў – гэта было 63 чалавекі.
Беларуска Аксана Кірыленка дадала, што ў цэлым закрыццё такіх наземных памежных пунктаў з Расеяй стварае нязручнасці толькі для прадстаўнікоў расейскай дыяспары. Фіны імі амаль не карыстаюцца.
Беларускае Радыё Рацыя
Фота: wikimedia.org
