Як паведамляюць СМІ, суцішыўся маштабны лясны пажар пад Афінамі.
Распаўсюджванне разбуральнага полымя на ўскраінах грэцкай сталіцы спынілася ў аўторак дзякуючы аслабленню ветру, паведамляе Euractiv.
“Сотні пажарных пры падтрымцы 10 вадамётаў змагаюцца з агнём з нядзелі. Полымя перакінулася з лесу на паўночныя прыгарады Афінаў, падпаліўшы дамы і выклікаўшы паніку ў населеных пунктах. Такога пажару ў цэнтры краіны не было ніколі за некалькі дзесяцігоддзяў, але выпадковыя пажары ўсё яшчэ здараюцца”- піша выданне.
Урад абвясціў аб мерах кампенсацыі і дапамогі пацярпелым ад пажару, які, паводле Нацыянальнай абсерваторыі Грэцыі, пашкодзіў каля дзесяці тысяч гектараў зямлі.
Чакаецца, што моцны вецер зноў узмацніцца, таму да чацвярга ў Грэцыі застанецца рэжым павышанай пажарнай небяспекі. Пры гэтым прагназуецца тэмпература да +40°C.
Беларускае Радыё Рацыя
