Ініцыятыва «Даступны турызм» стартуе ў Браславе, паведамілі ў Нацыянальным парку «Браслаўскія азёры».
Фота: belarus.travel
Падрабязнасці аб новым праекце раскажуць на стартавай канферэнцыі 25 лютага. Мерапрыемства будзе карысна як занятым у турыстычным сектары, так і людзям, якія перасоўваюцца на інвалідных калясках, арганізацыям, якія працуюць з людзьмі з інваліднасцю, прадстаўнікам турагенцтваў.
Пілотная ініцыятыва рэалізуецца пры падтрымцы Праграмы развіцця ААН у Рэспубліцы Беларусь у рамках сумеснага праекта «падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця».
Удзельнікам прэзентуюць ідэю інклюзіўнага пляжу, а таксама раскажуць пра даступнае асяроддзе, якое стварае роўныя магчымасці для людзей з інваліднасцю, пакажуць нумары базы адпачынку «Дрывяты» для тых, хто перасоўваецца на інвалідных вазках.
