Пасля 3 чэрвеня Літва ўвяла забарону на ўвоз сельскагаспадарчай прадукцыі і шэрагу іншых харчоў з Беларусі і Расеі.
Фота: vrm.lrv.lt
Закон прыняты ў мэтах супрацьдзеяння расейскай вайсковай агрэсіі супраць Украіны. У дадатку да закону пералічаныя тавары, якія цяпер нельга ўвозіць у Літву праз мяжу. Агулам там 25 пунктаў, а ўсе тавары пералічаныя згодна з кодамі ВЭД.
Нельга ўвозіць: свойскіх жывёлаў, мяса і мясапрадукты, рыбу і ракападобных і малюскаў, малако і прадукты з яго, яйкі, прадукты жывёльнага паходжання, дрэвы і расліны, гародніну, садавіну, арэхі і прадукты з гародніны, садавіны і арэхаў, каву і гарбату, прадукты з зерня, з мукі і крухмалу, тлушч і масла жывёльнага паходжання. Таксама забаронена правозіць цукар і кандытарскія вырабы з яго, какаву і прадукты з яе, вырабы з крупаў, безалькагольныя і алькагольныя напоі і воцат, тытунь, яго замяняльнікі і вырабы з яго.
У забаронным спісе няма лекаў, то бок з імі ситуацыя ўвозу застаецца ранейшай. Без даведкі ці рэцэпту ў Літву можна ўвезці да 10 пачак лекаў за адну паездку.
