У Вільні 16 снежня чатыры гадзіны доўжылася святочная імпрэза пад такой назвай.
На Кафедральнай плошчы жыхары і госці літоўскай сталіцы маглі наведаць інтэр’ер каравану, адправіць калядныя паштоўкі, паўдзельнічаць у творчых майстар-класах і зрабіць памятныя фота.
А таксама ўсім удзельнікам раздавалі вядомы напой і калядныя паштоўкі. Можна было сфатаграфавацца не толькі ў спецыяльным шары і атрымаць здымак на 360 градусаў, але і з жывым Санта Клаўсам і яго нерухомымі фігурамі. Таксама святочная рамка для фотаздымкаў стаяла і насупраць самога грузавіка Coca-Cola.
Акрамя гэтага падчас свята на Кафедральнай плошчы працаваў калядны кірмаш, час працы якога з 12.00 да 20.00 гадзінаў. Працягнецца ён у Вільні да 28 снежня.
А караван Coca-Cola паімчаў далей, у іншыя краіны.
Беларускае Радыё Рацыя
