Афіцыйнай прычынай сталі абмежаванні, уведзеныя літоўскім урадам у 2024 годзе. Але доўгі час ніхто выканання пастановы не адсочваў.
Перавозьнікі TOKS (Eurolines) і «Менсктранс» былі абвінавачаныя літоўскім урадам у парушэнні правілаў, бо нібыта значна павялічылі колькасць рэйсаў на маршруце Вільня-Менск-Вільня. Гэта прывяло да рэзкага росту пасажырапатоку, якому памежныя службы ўжо з цяжкасцю давалі рады.
Згодна з пастановай ураду, колькасць міжнародных аўтобусных маршрутаў абмежаваная да 29. Старыя ліцэнзіі дзейнічаюць да завяршэння тэрміну, але новыя выдаюцца толькі з абмежаваннем у адзін рэйс туды і зваротна.
Фармальна ліміты дзейнічаюць з 1 сакавіка 2024 году. Аднак летам 2025 году памежнікі зафіксавалі рост аўтобуснага трафіку вышэй за дапушчальны.
