Літва не будзе спяшацца з адказам на прапанову Беларусі аднавіць пасажырскія чыгуначныя зносіны паміж краінамі. Пра гэта заявіў прэм’ер-міністр краіны Гінтаўтас Палуцкас.
Як паведамлялася раней, беларускі бок прапанаваў Літве, Латвіі і Польшчы аднавіць пасажырскі рух па чыгунцы. Зносіны былі спыненыя ў 2020 годзе ў сувязі з каранавірусам, а потым не аднавіліся — у сувязі з рэпрэсіямі рэжыму Лукашэнкі супраць уласнага народа.
“Мы разглядаем гэтае пытанне ў кантэксце ўсіх санкцый, вайны ва Украіне і адносін Еўразвязу з Расеяй, таму з адказам на гэтыя прапановы спяшацца не будзем”, — прыводзіць LRT адказ Палуцкаса журналістам.
