Міністр унутраных спраў Літвы Агне Білатайце падтрымлівае закрыццё яшчэ двух пунктаў пропуску на мяжы з Беларуссю – “Лаварышкес” і “Райгардас”. Яна лічыць, што гэта дапаможа больш эфектыўна выкарыстоўваць пункт пропуску “Мядзінінкай”. Білатайце ў размове з журналістамі таксама падкрэсліла, што для Літвы прыярытэтам нумар адзін з’яўляецца нацыянальная бяспека.
Раней Камісія па нацыянальнай бяспецы Літвы прапанавала закрыць яшчэ два пункты пропуску, спыніць высадку і пасадку пасажыраў на чыгуначнай памежнай станцыі Кяна і скараціць колькасць дазволаў, якія выдаюцца беларускім і літоўскім пасажырскім перавозчыкам.
Камісія лічыць, што гэтыя меры дапамогуць знізіць памежныя рызыкі.
Канчатковае рашэнне па гэтым пытанні будзе прымаць урад.
