Мінсктранс запусціць аўтобусны рэйс па міжнародным маршруце Менск – Мюнхен з 6 снежня, паведамілі на сайце прадпрыемства.
Аўтобусы будуць адпраўляцца з аўтавакзала “Цэнтральны” беларускай сталіцы а 12:00 па пятніцах і прыбываць у пункт прызначэння на наступны дзень а 14:00.
З Мюнхена аўтобус будзе выязджаць у нядзелю а 13:00. Прыбыццё ў Менск на наступны дзень а 17:00.
Аўтобус будзе праходзіць праз Берлін і Нюрнберг. Цана білетаў пакуль не паведамляецца.
