Праз мяжу Расеі і Беларусі перасталі пускаць грузавікі з кіроўцамі, у якіх няма беларускага ці расейскага грамадзянства. З публікацый ў каналах дальнабойшчыкаў і афіцыйных паведамленняў уладаў Беларусі можна зразумець, што мяжу закрыла Расея, піша «Агентство».
Першыя паведамленні пра ўвядзенне абмежаванняў на расейска-беларускай мяжы з’явіліся раніцай 10-га студзеня ў суполках дальнабойшчыкаў.
З публікацый памежных упраўленняў ФСБ Расеі па Смаленскай і Бранскай абласцях вынікала, што кіроўцы-міжнароднікі з трэціх краін, уключаючы дзяржавы ЕАЭС, могуць уязджаць і выязджаць з Расеі толькі праз міжнародныя пункты пропуску, якіх на мяжы Расеі з Беларуссю проста няма.
Мытныя органы Беларусі 11 студзеня паведамілі, што абмежаванні ўведзеныя па ініцыятыве Масквы.
