Прэс-сакратар беларускага МЗС Анатоль Глаз заявіў, што Беларусь гатова аднавіць авіязносіны з Ізраілем “хоць з заўтрашняга дня”. Гэта прагучала ў кулуарах сумеснага пасяджэння Савета міністраў замежных спраў, Савета міністраў абароны і Камітэта сакратароў саветаў бяспекі краін АДКБ, перадае БелТА.
Напярэдадні Прэзідэнт Ізраілю Іцхак Герцаг заклікаў замежныя авіякампаніі аднавіць выкананне рэйсаў у ізраільскія аэрапорты.
Раней у МЗС заяўлялі, што Беларусь не можа арганізаваць палёт “Белавія” ў Ізраіль з-за санкцый ЗША ў дачыненні да авіякампаніі.
