На выезд з Беларусі ў Расею ў апошнія дні назіраюцца вялікія чэргі з легкавых аўтамабіляў. Відэа з мяжы апублікаваў тэлеграм-канал Infotrans Media Belarus.
Паводле паведамлення, кіроўцам даводзіцца чакаць ад трох да пяці гадзін. У адваротным кірунку — з Расеі ў Беларусь — чэргі адсутнічаюць.
Прычыны ўзнікнення затораў пакуль не ўдакладняюцца. Афіцыйных каментароў ад памежных службаў абедзвюх краін няма.
