Напрыканцы сакавіка Бернардынскія могілкі ў сталіцы Літвы становяцца інстаграмным месцам. Сюды прыходзяць жыхары і турысты Вільні, каб пабачыць засыпаны блакітнымі сцыламі (сібірскімі пралескамі) цвінтар і сфатаграфаваць гэты прыродны цуд.
Гэта месца спачыну шматлікіх дзеячаў культуры, навукі і гісторыі Беларусі, Літвы і Польшчы. На могілках пахаваныя вядомыя не толькі вядомыя дзеячы культуры, навукі, мастацтва, фатографы, а таксама і паўстанцы 1863 года.
Сярод спачылых на Бернардзінскім цвінтары – прафесар Віленскага ўніверсітэта Лявон Бароўскі, які першым прызнаў талент свайго вучня Адама Міцкевіча.
Таксама тут спачывае разам са сваім мужам знакамітая Каміла Марцінкевіч, якая была сімвалам паўстання ў Менску. Дакладнае месца яе пахавання было знойдзенае толькі 15 гадоў таму навучэнцамі Еўрапейскага гуманітарнага ўніверсітэта.
Бернардынскія могілкі ў Вільні — адзін з найстарэйшых і найбольш каштоўных некропаляў горада, заснаваны ў 1810 годзе манахамі-бернардынамі на Зарэччы (Ужупісе).
Беларускае Радыё Рацыя
