Авіякампаніі адна за адной абвяшчаюць пра прыпыненне рэйсаў у Ізраіль пасля таго, як ракета, запушчаная з тэрыторыі Йемена, упала побач з аэрапортам Бен-Гурыён — галоўнай паветранай брамай краіны.
Сітуацыю каментуе актывіст з Ашкелону Барыс Балтэ:
-Ракета, выпушчаная хусітамі з Йемена. Адна з ракетаў упала на тэрыторыю трэцяга тэрміналу аэрапорта імя Бен-Гурыёна. А гэта галоўная брама ў краіну, таму што большасць самалётаў вылятаюць з трэцяга тэрміналу і ўсе прылятаюць у трэці тэрмінал. Большасць кампаній на сённяшні дзень адмянілі свае палёты. “Белавія” не лятае ўвогуле. З Польшчы таксама адмянілі палёты, ні з Кракава, ні з Варшавы не будзе.
У выніку атакі палёты ў аэрапорце Бен-Гурыён былі ненадоўга прыпыненыя, аднак ужо аднавіўся абмежаваны рух. У адказ шэраг буйных авіякампаній адклалі палёты прынамсі да 6 траўня ўключна.
Сярод іх — Lufthansa, United Airlines, ITA, Air France, Brussels Airlines, Air India, Air Canada, TUS Airways, Transavia, Air Europa і WizzAir.
Цалкам гутарка:
Беларускае Радыё Рацыя
