У Беластоку адкрыўся Рэгіянальны цэнтр турыстычнай інфармацыі. Цэнтр размешчаны на аўтавакзале PKS Nova і стане важным пунктам для ўсіх, хто пачынае падарожжа па Падляшскім ваяводстве.
На адкрыцці выказаўся Маршалак Падляшскага ваяводства Лукаш Пракорым:
– Мы адкрываем інфармацыйны пункт на аўтобусным вакзале PKS Nova, куды з’язджаюцца аўтобусы з усёй правінцыі. Гэта яшчэ адзін крок, каб паказаць сёння нашу правінцыю. Няхай гэты турыстычны сезон будзе паспяховым і найлепшым за апошнія гады, каб як мага больш людзей пазнаёміліся з гэтым ваяводствам і каб ім спадабалася карыстацца турыстычным ваўчарам Падляшскага ваяводства.
Старшыня Падляшскай рэгіянальнай арганізацыі турызму Катажына Садоўска назвала адкрыты Цэнтр «натуральнай брамай у рэгіён» і дадала:
– Падляшская турыстычная арганізацыя займаецца турыстычнай інфармацыяй з 2024 год. Вялікі вопыт супрацоўнікаў Рэгіянальнага турыстычнага інфармацыйнага цэнтра, безумоўна, будзе спрыяць прафесійнаму абслугоўванню турыстаў, якія сюды будуць прыязджаць.
Цэнтр на аўтавакзале PKS Nova будзе працаваць штодня ў турыстычны сезон з 9-й да 17-й і круглы год. Тут бясплатна прапануюць інфармацыю пра славутасці, маршруты, падзеі і месцы начлегу ў Падляшшы.
Беларускае Радыё Рацыя
