Сейм Латвіі ўводзіць абмежаванні для іншаземцаў, якія прыязджаюць у краіну, а таксама для сваіх грамадзян, якія выязджаюць у Расею і Беларусь. Так краіна змагаецца са шпіянажам.
Сейм Латвіі падтрымаў папраўкі да Закона «Аб дзяржаўнай мяжы», якія прадугледжваюць патрабаванне для замежнікаў, у якіх няма выдадзенай у Латвіі візы або віду на жыхарства, прадастаўляць перад уездам у краіну канкрэтныя звесткі пра сябе, піша «Delfi». Трэба падаць мэту паездкі, тэрмін знаходжання, месца пражывання, маршрут перамяшчэння і кантактную інфармацыю. Таксама спатрэбіцца інфармацыя аб сферы занятасці і аб тым, ці не з“яўляецца іншаземец дзяржаўным служачым, ці служыў у войску і так далей.
Змены маюць увайсці ў жыццё з верасня бягучага года. Сейм Латвіі таксама падтрымаў у першым чытанні законапраект, які прадугледжвае забарону на паездкі ў Расею і Беларусь для дзяржаўных работнікаў.
