На Нацыянальным прававым інтэрнэт-партале з’явілася пастанова Савета міністраў Беларусі, якая зацвярджае праграму і тэрміны рэалізацыі пілотнага праекта па забеспячэнні Наваполацка электратранспартам.
У дакуменце гаворыцца: «Рэалізаваць у 2024—2025 гадах пілотны праект па забеспячэнні электратранспартам г. Наваполацка з развіццём зараднай інфраструктуры». У межах праекта будуць пабудаваныя тры зарадныя станцыі.
Раней паведамлялася, што Жодзіна ў Менскай вобласці і Шклоў на Магілёўшчыне пяройдуць на электробусы першымі ў краіне, і гэта павінна адбыцца да 2025 года.
Дарэчы, Шклоў ужо стаў першым населеным пунктам, які атрымаў адразу 15 новых электробусаў.
Беларускае Радыё Рацыя
