У Беларусі адкрылі помнік крэветцы, а калі дакладней, то беларускай прэснаводнай крэветцы, паведамляе onliner.by.
Ён знаходзіцца ў Белаазёрску (Берасцейская вобласць), у гарадскім парку. Прэзентацыя незвычайнага помніка адбылася ў рамках фестывалю-кірмашу “Дажынкі-2025”.
Чаму крэветка? Справа ў тым, што гэтае рачное ракападобнае водзіцца ў водах Бярозаўскага раёна. Гавораць, прапанова прысвяціць крэветцы цэлы помнік паступіла ад кагосьці з мясцовых жыхароў. Помнік вырабілі берасцейскія майстры.
Фота: БелТА
