Гіды, якія працуюць на роварных, водных, пешаходных і іншых маршрутах у рэспубліцы, абавязаны будуць праходзіць атэстацыю.
Рэестр інструктараў-праваднікоў распрацоўваецца на актыўных турыстычных маршрутах, паведаміў намеснік міністра спорту і турызму Алег Андрэйчык, паведамляе Sputnik. Беларусь у гэтым плане пайшла па шляху Расеі, дзе з 1 ліпеня бягучага года запрацаваў такі рэестр. Паводле слоў Андрэйчыка, беларуская і расейская базы даных інструктараў на актыўных маршрутах будуць сінхранізаваныя.
Алег Андрэйчык удакладніў, што прымаць іспыты будуць рэспубліканскія турыстычныя аб’яднанні. Пасля таго, як кандыдаты пройдуць усе іспыты, яны будуць уключацца ў гэты рэестр.
Паводле яго слоў, рэестр інструктараў актыўнага турызму будзе запушчаны ў 2025 годзе.
