6 студзеня 2026 года ў многіх польскіх гарадах, уключаючы Беласток, Тыкоцін і Сувалкі, адбудзецца шэсце Трох Каралёў.
У Беластоку яно пройдзе ў 13-ы раз. Свята распачнецца імшой у архікатэдры (11:00), потым, а 12-й гадзіне, удзельнікі збяруцца перад катэдрай і разам з Каралямі пойдуць за Зорачкай. Тры “каралеўскія” калоны будуць прадстаўляць Еўропу, Афрыку і Азію. Шэсце спыніцца на некалькіх прыпынках з інсцэніроўкамі: «Гасцініца», «Анёльскія вароты» і «Яслі».
Мясцовыя школы, дзіцячыя садкі, дамы культуры, парафіі і супольнасці ўдзельнічаюць у арганізацыі, а горад падтрымлівае мерапрыемства фінансава.
У Тыкочыне шэсце пачнецца святой імшой у Касцёле Святой Тройцы (12:00), шэсце пачнецца а 13:00 з Плошчы Чарнецкага.
У Сувалках збор удзельнікаў — пад Аквапаркам у 12:45.
Беларускае Радыё Рацыя
