Першы і пакуль адзіны ў Беларусі музей зубра размешчаны ў Берасцейскім аблвыканкаме. Калекцыя падпарадкаваная адной тэме і ніводны яе экспанат не паўтараецца, перадае БЕЛТА.
Кожны з зуброў унікальны і можа расказаць пра багатую прыроду Берасцейскай вобласці, яе гістарычнае мінулае і сучаснасць, пра таленавітых людзей, якія жывуць на гэтай зямлі і захоўваюць самабытнасць.
Экспазіцыя налічвае больш за 300 экспанатаў — фігурак зуброў, выкананых з самых розных матэрыялаў. Самы мініяцюрны экспанат вышынёй усяго каля 1 сантыметру.
Большасць экспанатаў падораныя кіраўніцтву і жыхарам Берасцейшчыны прадстаўнікамі іншых рэгіёнаў Беларусі, замежных дэлегацый, прадпрыемствамі, навучальнымі ўстановамі.
