У чэргах на ўезд у краіны Еўразвяза з Беларусі стаіць больш за 3,2 тыс. фур, паведамляе сайт Дзяржаўнага пагранічнага камітэта Беларусі.
Найбольшая колькасць велікагрузаў фіксуецца ў напрамку Літвы.
У чэргах у пунктах пропуску «Каменны лог» і «Беняконі» па стане на 14.00 16 сакавіка стае 2320 фур. Дастаткова загружаны і прапускны пункт з Латвіяй «Грыгараўшчына»: уезду туды чакаюць 750 грузавых машын. У польскім напрамку найменшыя чэргі — у пункце пропуску «Казловічы» стаіць 200 грузавікоў.
Нядаўна Літва закрыла два пункты пропуску на граніцы з Беларуссю. Такім чынам, з раней дзеючых шасці засталося толькі два.
