Аўтобусы будуць ехаць да пункту пропуску „Псоу“, размешчанага на мяжы Расеі і самаабвешчанай рэспублікі Абхазія, якая паводле міжнародных законаў, з’яўляецца часткай Грузіі.
Выданне „Эхо Кавказа“ вывучыла інфармацыю, размешчаную на сайце Probilets. Адпраўленне першага аўтобусу запланаванае на 26 чэрвеня. Далей рэйсы будуць выконвацца раз на чатыры дні. Пры гэтым перасякаць дэ-факта мяжу ў пункце пропуску і дабірацца адтуль да патрэбнага месца ў Абхазіі пасажырам давядзецца самастойна.
Наведванне Абхазіі парушае грузінскі закон „Аб акупаваных тэрыторыях“, які прадугледжвае штрафы або пазбаўленне волі за прыезд у Паўднёвую Асецію і Абхазію. Беларусь афіцыйна не прызнае незалежнасці Абхазіі і Паўднёвай Асеціі, аднак Аляксандар Лукашэнка наведваў Абхазію, за што ў Тбілісі яго абвінавацілі ў парушэнні закону „Аб акупацыі“.
